Mkuu wa Wilaya ya Hai, Lengai Ole Sabaya amempongeza raisi wa Jamuhuri ya Muungano wa Tanzania Dkt John Pombe Magufuli

Imetumwa: September 4th, 2019

Mkuu wa Wilaya ya Hai, Lengai Ole Sabaya amempongeza raisi wa Jamuhuri ya Muungano wa Tanzania Dokta John Pombe Magufuli kwa kazi kubwa alizofanya ndani ya miaka minne ya utawala wa serikali ya awamu ya tano.

Akizungumza hii leo na Umoja wa Vijana wa Chama Cha Mapinduzi (UVCCM) Wilaya ya Hai mkoani Kilimanjaro katika mkutano wa ndani  uliofanyika katika ukumbi wa Idara ya maji Hai,amesema kuwa Dokta John Pombe Magufuli amefanya mengi ya makubwa ya kustaajabisha na ambayo hayakutegemewa  kufanyika kwa wakati huu  ikiwa ni pamoja na kurudisha reli inayotoka Tanga hadi Arusha ambapo reli hiyo ilikuwa imepotea kwa muda mrefu.

Sanjari na hayo pia Sabaya amewasisitiza Vijana kushirikiana na viongozi katika ngazi mbalimbali ili kuunga mkono juhudi za serikali ya awamu ya tano katika kuleta maendeleo.

Aidha ameongeza kuwa serikali haipo tayari kufumbia macho watu wanaojitokeza na kubeza kazi iliyofanwa na serikali ya awamu ya tano.