Kata Ya Muungano Wamshukuru Mbunge Kwa Kuchangia Ujenzi Wa Madarasa

Imetumwa: January 26th, 2026

Kamati ya Maendeleo ya Kata ya Muungano imefanya kikao cha kawaida cha kupokea na kujadili taarifa ya utekelezaji wa shughuli za maendeleo kwa robo ya pili ya mwaka katika kata hiyo.

Katika kikao hicho kilichofanyika Januari 26,2027 katika shule ya msingi Kambi ya Raha ,kamati imemshukuru Rais wa Jamhuri ya Muungano wa Tanzania  Dkt Samia Suluh Hassan kwa kuipatia kata hiyo fedha kwa ajili ya ujenzi wa madarasa mapya matatu katika shule  ya msingi Kambi ya Raha, pamoja na ujenzi wa mashimo sita ya vyoo, mradi wenye thamani ya shilingi milioni 88.2.

Aidha, kikao hicho kimepongeza juhudi za kukamilisha ujenzi wa madarasa mawili kwa gharama ya shilingi milioni 25, yaliyojengwa kwa nguvu za wananchi kwa kushirikiana na diwani wa Kata ya Muungano, Edmund Rutaraka.

Kamati hiyo pia imemshukuru Mbunge wa Jimbo la Hai Saashisha Mafuwe kwa mchango wa fedha uliotolewa kusaidia ukamilishaji wa madarasa hayo, hatua inayolenga kuboresha mazingira ya elimu katika kata hiyo.